A huge collection of 3400+ free website templates JAR theme com WP themes and more at the biggest community-driven free web design site
63711

“Siqaret çəkən tələbələr cərimələnsin” – Deputatdan təklif

“Bəzi tələbələr dövlət və özəl ali məktəblərdə siqareti universitetlərin dəhlizlərində çəkirlər. İnanın ki, adamın ürəyi bulanır”.
AZEDUPRESS xəbər verir ki, bunu Milli Məclisin Aqrar siyasət komitəsinin bu gün keçirilən iclasında millət vəkili Hüseynbala Mirələmov deyib.
Deputat bildirib ki, televiziyalarda siqaretin reklamının qarşısı alınmalıdır: “Siqaret 2-ci və 3-cü sinifdə oxuyan uşaqlardan başlayaraq qızlarımızın, uşaqlarımızın səhhətini korlayır. Bu gün televiziyalarda siqaretin reklamını elə göstərirlər ki, istər istəməz çəkməyən adamda da siqaretə maraq yaranır. Televiziyalarda siqaretin reklamının qarşısı alınmalıdır”.
Milli Məclisin üzvü universitetlərin daxilində siqaret çəkən tələbələrin cərimələnməsinin vacibliyini vurğulayıb: “Əgər biz təqaüdlə dolanan tələbəni ictimai yerlərdə siqaret çəkdiyinə görə cərimə etsək, inanın ki, o ümumiyyətlə siqareti də tərgidər. Türkiyədə taksidə belə yazılıb ki, “siqaret çəkmək olmaz, əks təqdirdə 60 lira cərimə olunacaqsan”. Onlar buna əməl etməyəni cərimə edirlər. İctimai yerlərdə siqaret çəkənlərə qarşı bizdə cərimələr var, amma buna əməl edilmir. Belə ki, bununla bağlı cərimələr yazılmır”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>