A huge collection of 3400+ free website templates JAR theme com WP themes and more at the biggest community-driven free web design site
35281084_1941435459234500_5569388507673133056_n

Bakı Ali Neft Məktəbində Milli Qurtuluş Günü keçirildi

Bakı Ali Neft Məktəbində (BANM) 15 iyun – Milli Qurtuluş Gününün 25 illiyi münasibətilə tədbir keçirilib. Tədbirdə BANM-ın rektoru Elmar Qasımov, Ali Məktəbin professor-müəllim heyəti və əməkdaşları iştirak ediblər.

Tədbiri öz sözlərilə açan BANM-ın rektoru Elmar Qasımov bu gün ölkəmizin qeyd etdiyi Milli Qurtuluş Gününün çox böyük tarixi olduğunu bildirib. Rektor qeyd edib ki, Azərbaycanda 1993-cü ilin yayında respublikada ictimai-siyasi böhranın baş verdiyi və vətəndaş müharibəsi təhlükəsinin yarandığı bir dövrdə Azərbaycan Respublikasının Ümummilli lideri Heydər Əliyev xalqın istəyilə Naxçıvandan Bakıya gəlib. Heydər Əliyev vətəndaş müharibəsinin qarşısını alaraq iyunun 15-də Azərbaycan Respublikası Ali Sovetinin sədri seçilib. Məhz bu səbəbdən Azərbaycan xalqının istəyilə Milli Məclis 1997-ci ildə 15 iyun tarixini “Milli Qurtuluş Günü” kimi bayram elan edib.

Daha sonra tədbirdə  Ali Məktəbin İngilis dili və humanitar fənlər mərkəzinin dosenti, Tarix üzrə fəlsəfə doktoru Ələmdar Şahverdiyev təqdimatla çıxış edib. O bildirib ki, qurtuluşun ilk gərgin 5 ilində Ümummilli lider Heydər Əliyev 33 ölkəyə 79 səfər etmiş, 232 tədbirdə iştirak etmiş və 431 sənəd imzalamışdır. Daha sonra o tədbir iştirakçılarına neft diplomatiyası və Əsrin Müqaviləsinin imzalanması, dünya siyasətində Azərbaycanın mövqeyinin möhkəmlənməsi, beynəlxalq iqtisadi münasibətlərdə Azərbaycanın söz sahibinə çevrilməsinin arxasında duran məqsədyönlü və uğurlu siyasətdən bəhs edib.

Ələmdar Şahverdiyev həmçinin Heydər Əliyev tərəfindən atılmış uğurlu diplomatik addımlardan –  Atəşkəs və daxili sabitliyin yaradılması, neft siyasətinin formalaşdırılması, Qarabağ problemi üzrə regional və beynəlxalq müstəvidə  aparılan danışıqlar haqda tədbir iştirakçılarına məlumat verib.

Tədbirin sonunda Ümummilli lider Heydər Əliyevə həsr olunmuş sənədli film nümayiş etdirilib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>