A huge collection of 3400+ free website templates JAR theme com WP themes and more at the biggest community-driven free web design site
baki robot

Bakı məktəbliləri üçün robototexnika təlimləri başladı – WESTERN CASPIAN-da

Qərbi Kaspi Universitetinin (Western Caspian University) Texnoparkı məktəblilər üçün robototexnika təlimlərinə start verib. Təlimlər universitetin mütəxəssisləri və Texnoparkın nəzdində yaradılmış “Robototexnika Klubu”nun üzvü olan tələbələr tərəfindən 9-11-ci sinif şagirdləri üçün ödənişsiz olaraq aparılır.

Məktəblilərə LEGO EV3 platforması və ARDUİNO üzərində təlimlər keçilir.

Məlumat üçün bildirək ki, Qərbi Kaspi Universitetinin mütəxəssisləri bu aydan etibarən region məktəbliləri üçün də region məktəblərinə gedərək təlimlər keçməyə başlayıblar.

Qeyd edək ki, tədrisin keyfiyyətinin və praktik yönümünün gücləndirilməsinə yönəlmiş tədbirlər, eyni zamanda, infrastruktur layihələri həyata keçirən Qərbi Kaspi Universitetində bu tədris ilindən mühəndislik ixtisasları üzrə kadr hazırlığı aparılır, universitetdə bu məqsədlə Yüksək Texnologiyalar və İnnovativ Mühəndislik Məktəbi, eləcə də Yüksək Texnologiyalar Parkı (Texnopark) fəaliyyət göstərir. Texnoparkda biznes-inkubasiya mərkəzi, texnoloji transfer ofisi, mexatronika və robototexnika laboratoriyası, ideya bankı və başqa mərkəzlər var. Texnoparkdan sərbəst istifadə imkanı yaradılıb. Belə ki, ideyası olan tələbələr və şagirdlər texnoparka müraciət edərək dəstək ala bilirlər. Texnopark orta məktəb şagirdlərini də müxtəlif layihələrə, praktik çalışmalara cəlb edir.

Universitetin Texnoparkında işlənən “Vooby” layihəsi bu günlərdə Türkiyədə keçirilən beynəlxalq müsabiqənin finalına vəsiqə qazanıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>