A huge collection of 3400+ free website templates JAR theme com WP themes and more at the biggest community-driven free web design site
aztu

AzTU-da Beynəlxalq İnnovasiyalar Yarışının təqdimatı keçirilib

Aprelin 13-də Azərbaycan Texniki Universitetində (AzTU) Beynəlxalq İnnovasiyalar Yarışının- ActInSpace layihəsinin təqdimatı keçirilib. Təqdimatda AzTU-nun Beynəlxalq əlaqələr üzrə prorektoru, professor Sübhan Namazov əvvəlcə ActInSpace– Fransız Kosmik Agentliyinin (CNES) təşəbbüsü ilə həyata keçirilən və 5 qitədə 60-dan çox şəhəri birləşdirən beynəlxalq innovasiya müsabiqəsi haqqında qısa məlumat verib. Prorektor qeyd edib ki, ActInSpace- dünya miqyasında sahibkarları, tələbələri və yaradıcı insanları bir araya gətirən beynəlxalq layihədir. Sübhan Namazov bildirib ki, tələbələrin belə layihələrdə iştirakı onların gələcək elmi işlərinə, karyeralarına böyük təkan olacaq. Daha sonra UFAZ-ın nümayəndəsi Elsanə Babaşova layihənin qayda və şərtləri haqqında ətraflı məlumat verib və bildirib ki, 25-26 may tarixlərində Azərbaycan-Fransız Universitetində istedadlı gənclərin potensialının üzə çıxarılması məqsədilə keçiriləcək Startup ideyalar yarışında ideyaları olan gənclər iştirak edəcək. Burada qalib gələn ideyalar beynəlxalq finala vəsiqə qazanacaq. Elsanə Babaşova təqdimatında ideyaların əsasən kosmik tədqiqatlarla əlaqəli olmasını xüsusilə vurğulayıb. Yarışda ideyaları olan gənclər qrup şəklində təmsil olunacaqlar. Hər qrupda 5 iştirakçı olacaq. Təqdimatdan sonra tələbələri maraqlandıran suallar cavablandırılıb və müzakirələr aparılıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>