A huge collection of 3400+ free website templates JAR theme com WP themes and more at the biggest community-driven free web design site
muqavile

Bakı Ali Neft Məktəbi və EY arasında razılaşma imzalandı

Bakı Ali Neft Məktəbi (BANM) və EY şirkəti arasında əməkdaşlıq haqqında razılaşma imzalanıb. Tədbirdə BANM-ın rektoru Elmar Qasımov, EY şirkətinin Azərbaycan üzrə İdarəedici Partnyoru İlqar Vəliyev və onun rəhbərlik etdiyi nümayəndə heyəti, Ali Məktəbin tələbələri və əməkdaşları iştirak ediblər.

Tədbirdə Ali Məktəbin rektoru Elmar Qasımov EY-ın Azərbaycanda audit, vergi, əməliyyatların müşayiət edilməsi və məsləhət xidmətlərinin göstərilməsi üzrə böyük imicə malik olduğunu və BANM və EY arasında yaranmış əməkdaşlığı yüksək qiymətləndirdiyini bildirib. Rektor qeyd edib ki, hazırda Ali Məktəb EY şirkətilə iki istiqamətdə əməkdaşlıq edəcək. Bunlardan biri Ali Məktəbin tələbələrinin şirkətin dayanıqlı inkişaf mövzusunda olan təlimlərinə cəlb edilməsi, digər istiqamət isə EY tərəfindən BANM-ın Dayanıqlı inkişaf üzrə  hesabatının hazırlanmasından ibarətdir.

EY şirkətinin Azərbaycan üzrə İdarəedici Partnyoru İlqar Vəliyev isə BANM-la əməkdaşlıq etməkdən məmnun olduğunu və tələbələrin EY tərəfindən təşkil olunan təlimlərə böyük maraq göstərmələrindən sevindiyini bildirib.

Tədbirdə EY-ın İqlim dəyişikliyi və Dayanıqlı İnkişaf üzrə xidmətlərin təcrübə rəhbəri Günel Fərəcovanın Ali Məktəbin 4-cü və 5-ci kurs tələbələrinə  keçdiyi  İqlim dəyişikliyi və Dayanıqlı İnkişaf üzrə üç günlük seminarın sertifikatları öz sahiblərinə təqdim edilib.

Daha sonra BANM-ın rektoru Elmar Qasımov və cənab İlqar Vəliyev iki müəssisə arasında bağlanılan əməkdaşlıq haqqında razılaşmaya imza atıblar.

İmzalama mərasimindən sonra EY-ın Kadrlar şöbəsinin direktor müavini Samirə Şabanova və baş mütəxəssis Vusalə Həsənova tələbələrə EY şirkəti və onun karyera proqramı haqqında ətraflı məlumat verib, onlara CV yazma, effektiv müsahibə üsulları haqqında təqdimat ediblər.

Sonda tələbələr EY şirkətinin əməkdaşlarına onları maraqlandıran suallar ünvanlayıblar.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>