A huge collection of 3400+ free website templates JAR theme com WP themes and more at the biggest community-driven free web design site
adnsu

ADNSU tələbələri Almaniyadan akademik səfərdən qayıdıb

Martın 11-də ADNSU-nun 15 tələbəsi və 2 əməkdaşı – Rauf Məlikov və Həmidli Nərmin DAAD-nin Almaniyaya Akademik səfər proqramı çərçivəsində Almaniyanın 4 universitetində səfərdə olub, akademik heyət və tələbələrlə görüşüblər.

Səfər çərçivəsində ilk görüş Maqdeburq şəhərindəki OVGU Maqdeburq universitetində keçirilib.  Burada tələbələr universitetin kampusu ilə tanış olub, kitabxananı ziyarət edib və Mexanika-mühəndisliyi fakültəsinin professoru H. Altenbaxın təqdimatında mövcud təhsil imkanları barəsində məlumat alıblar.

İkinci görüş Klaustal Texniki Universitetinə keçirilib. ADNSU tələbələri Almaniya, Rusiya universitetlərinin iştirakı ilə keçirilən “Workshop” da iştirak edib, Alman Neft-Mühəndisliyi Cəmiyyətinin (SPE) rəhbərinin və cəmiyyətin tələbə qrupunun, Qubkin adına Rusiya Dövlət Universitetinin tələbələrinin təqdimatlarını dinləyiblər.

Daha sonra tələbələr Zigen Universitetində olub və universitet tərəfindən təşkil edilən seminarda iştirak ediblər.

Zittau şəhərində davam edən proqram çərçivəsində tələbələr mart ayının 19-da Zittau universitetinin enerji istehsal laboratoriyalarında olub və istehsal proseslərinin gedişinə addım-addım şahidlik ediblər.

Almaniyada iki həftə ərzində səfərdə olan qrup mart ayının 25-i xoş xatirələrlə birlikdə Azərbaycana geri qayıdıb.

Qeyd edək ki, səfərin bütün xərcləri Beynəlxalq Əməkdaşlıq Şöbəsinin layihəsi əsasında DAAD tərəfindən qarşılanıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>