A huge collection of 3400+ free website templates JAR theme com WP themes and more at the biggest community-driven free web design site
yenitn-01-22.08.2017

Nazirlik: Təfəkkür Universiteti akkreditasiyadan keçmədiyi üçün tələbələrə diplom verilməyəcək – MÜSAHİBƏ

Təhsil Nazirliyinin Aparat rəhbəri vəzifəsini icra edən Elnur Əliyevin APA-ya müsahibəsi

– Transfer.edu.az elektron portalı hansı zərurətdən yaranıb? 

 

– Azərbaycan prezidenti İlham Əliyev tərəfindən vətəndaş məmnunluğunu təmin etmək, şəffaflıq və operativlik kimi əsas vəzifələr bütün dövlət qurumları qarşısında bir tələb olaraq qoyulub. Təhsil Nazirliyi tərəfindən də  təqdim edilən elektron xidmətlər bu sahədə şəffaflığın, operativliyin daha yüksək səviyyədə təminatına imkan yaradır. Bildiyiniz kimi, ali təhsil müəssisələrinə köçürülmə prosesinin sadələşdirilməsi və şəffaflığın təmin edilməsi məqsədi ilə 2016-cı ildən Təhsil Nazirliyitərəfindən transfer.edu.az portalı istifadəyə verilib. Təhsilalanlar artıq iki ildir  ölkə daxilində və xaricdə yerləşən ali təhsil müəssisələrindən köçürülmək üçün heç bir kənar müdaxilə olmadan bu portalın imkanlarından yararlanırlar.

 

– Transfer.edu.az portalından istifadə mexanizmi necədir?

 

– Portaldan ölkə daxilində və xaricdə yerləşən ali təhsil müəssisələrindən köçürülmək, ixtisasını dəyişmək istəyənlər, eləcə də ölkəmizdə yerləşən orta ixtisas təhsili müəssisələrinin tələbələri, magistratura səviyyəsində təhsilalanlar istifadə edə bilər. Transfer.edu.az portalına müraciət edən şəxslər köçürülmək istədiyi təhsil müəssisəsini seçmək imkanına malikdir. Bunun üçün təhsilalanlar tələb olunan məlumatları daxil etməklə, köçürülmə meyarlarına uyğun gəlib-gəlmədiyini müəyyənləşdirə bilərlər.

 

Transfer.edu.az portalından ümumilikdə 1484 tələbə istifadə edərək öz seçimlərini edib. Bu il portal vasitəsilə 805 tələbə yerli, 21 tələbə isə xarici universitetlərdən köçürülüb.

 

– Köçürülmək istəyən tələbələr əsasən hansı qaydalara diqqət yetirməlidirlər ?

 

– Tələbələrin bir ali təhsil müəssisəsindən digər ali təhsil müəssisəsinə, yaxud bir ixtisasdan digərinə köçürülməsi Təhsil Nazirliyinin razılığı ilə qış və yay tətili dövründə həyata keçirilir. İldən-ilə portalın fəaliyyəti daha da təkmilləşdirilir və tələbələrin rahatlığı üçün yeni imkanlar yaradılır. “Ali təhsil müəssisələrinin bakalavriat və magistratura səviyyələrində, tibb təhsilinin əsas tibb təhsili üzrə təhsilalanların köçürülməsi, xaric edilməsi, bərpa olunması və akademik məzuniyyət götürülməsinə dair müvəqqəti Qaydalar” bu il daha da təkmilləşdirilib və liberallaşdırılıb. Nəticədə bu il portalın imkanlarından yararlanan tələbələrin sayı əhəmiyyətli dərəcədə artıb. Ümumilikdə 1484 tələbə portaldan istifadə edərək öz seçimlərini edib. Bu il portal vasitəsilə 805 tələbə yerli, 21 tələbə isə xarici universitetlərdən köçürülüb. Həmçinin orta-ixtisas təhsili müəssisəsində təhsil alan 107 nəfər, magistratura səviyyəsində təhsil alan 4 tələbə də bu portalın imkanlarından yararlanıb. Bir daha qeyd edilməlidir ki, bu fəaliyyətin ana məqsədi  vətəndaş məmnunluğu və rahatlığı, o cümlədən şəffaflığın təminatı sahəsində Təhsil Nazirliyinin üzərinə düşən məsuliyyətdir.

 

Akkreditasiyası bitmiş “Təfəkkür” Universitetinin 190 tələbəsi də təhsil aldıqları müəssisəni dəyişmək üçün Transfer.edu.az portalınamüraciət edib.

– Hazırda akkreditasiyası bitmiş  bu universitetdə təhsilini davam etdirən tələbələrə hansı tövsiyələr verərdiniz?

 

– Bildiyiniz kimi, 2016-cı ildə “Təfəkkür” Universitetinin akkreditasiya müddəti bitib. Həmin səbəbdən bu ali məktəb 2016-2017-ci tədris ilində akkreditasiyası keçiriləcək təhsil müəssisələrinin qrafikinə salınıb, müvafiq Akkreditasiya komissiyası yaradılıb və müvafiq tədbirlərin görülməsinə başlanılıb. Lakin “Təfəkkür” Universitetinin rəhbərliyi ötən ilin oktyabr ayında Təhsil Nazirliyinə müraciət edərək maliyyə problemləri ilə əlaqədar Təsisçilər Şurasının 2017-ci ilin iyul ayından universitetin fəaliyyətinin dayandırılması barədə qərar qəbul etdiyini bildirib. Buna uyğun olaraq, universitet akkreditasiyadan keçmədiyi üçün ali təhsil müəssisəsinə tələbə qəbulu proqnozlaşdırılmayıb. Yay tətili ərzində universitetin 190 tələbəsi ümumi qaydada transfer.edu.az portalından istifadə etməklə digər ali təhsil müəssisələrinə köçürülüb. Bununla yanaşı təhsil hüquqlarını təmin etmək üçün mövcud qanunvericiliyə uyğun olaraq portala müraciət etməyən və hazırda Təfəkkür Universitetində təhsillərini davam etdirən tələbələrə digər ali təhsil müəssisələrinə köçürülmək üçün yenidən imkan yaradılacaq. Həmin tələbələr bu məqsədlə transfer.edu.az portalına müraciət edə bilərlər. Təfəkkür Universiteti akkreditasiyadan keçmədiyi üçün universitetin tələbələrinə ali təhsil haqqında diplom verilməyəcək.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu HTML etiketlərindən və xüsusiyyətlərindən istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>